Ata sempre!

Chega o momento do remate de curso e, con el, as despedidas. Aínda que para min e para algún o curso remata en setembro, esta entrada é a última que escribo neste blog.
Foi un curso difícil, un curso no que tentei facervos traballar moito, un curso no que ás veces avanzabamos e outras parecía que retrocediamos.
Só espero que aprenderades algo ao longo destes case 10 meses; pero máis que contidos de Ámbito Científico, espero que aprenderades a relacionarvos, a respectarvos, a convivir mellor e, en definitiva, a ser CIDADÁNS. Eu aprendín moito de vós (e non o digo por dicir).
Que teñades moita sorte (aínda que como vos dixen máis dunha vez: a sorte hai que buscala)

Xa nos veremos, pero mentres, recordareivos con cariño. Grazas por todo.

Sabedes que podedes escribirme!!

Pd. Para os suspensos, estarei pendente todo o verán do correo por se necesitades aclarar algunha dúbida para o exame de setembro.